Зулфиқор Гулаҳмадзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар шаҳри Кӯлоб аз фаъолияти Муассисаи давлатии вилоятии мактаби варзишӣ боздид намуд.

Тибқи иттилоъ, дар ин сафар ӯ бо варзишгарони риштаи гӯштин суҳбати самимӣ анҷом дода, аз дастгириҳои Пешвои миллат дар самти рушди варзиш ва фароҳам овардани шароити мусоид барои варзишгарон ёдовар гардид.

Раиси Кумита таъкид намуд, ки дастгириҳои пайвастаи Сарвари давлат барои рушди варзиш ва тарбияи кадрҳои болаёқат заминаи мустаҳкам барои ноил шудан ба дастовардҳои нав мебошад.

Ҳамчунин, нақши варзишгаронро дар муаррифии давлату миллат дар арсаи байналмилалӣ нек маънидод намуд.
Дар анҷоми суҳбат ба ҳамаи варзишгарон либосҳои варзишӣ туҳфа карда шуд.

“ҶТ”