Бо ташаббуси Кумитаи кор бо ҷавонон ва варзиши назди Ҳукумати ҷумҳурӣ дар якҷояги бо Вазорати корҳои дохилӣ аз 30 апрел то 4 май дар шаҳри Кӯлоб тибқи нақшаи барномаи якҷоя бахшида ба Соли рушди сайёҳӣ ва ҳунарҳои мардумӣ як қатор чорабиниҳо доир карда шуд.

Аз ҷумла дар ҷамоати деҳоти Зарбдори шаҳри Кӯлоб бо ширкати бевоситаи раиси Кумитаи кор бо ҷавонон ва варзиши Аҳтам Абуллозода, муовини раиси вилояти Хатлон Хидирзода Махфират, раиси шаҳри Кӯлоб Хайрулло Амонулло мактаби нави варзишӣ, толор ва ду майдончаи варзишӣ (майдони футбол ва волейбол) ба истифода дода шуд.

Меҳмонон аз толор ва шароити он дидан намуда, зимни баромадҳо варзишгаронро бо ин туҳфаи арзандаи Асосгузори сулҳу ваҳдати миллӣ - Пешвои миллат, муҳтарам Эмомалӣ Раҳмон табрику муборакбод намуданд.

Баъд аз суханрониҳо меҳмонон аввалин шуда дар майдончаи варзишии футбол ва волейбол тубҳоро ба бозӣ дароварданд.