22 май дар ҳошияи Рӯзи ҷавонон дар Донишкадаи технология ва менеҷменти инноватсионии шаҳри Кӯлоб миёни донишҷӯён мусобиқаи варзишии вазнбардори беҳтарин доир гардид.

Дар ин бора Бахши кор бо ҷавонон ва варзиши шаҳри Кӯлоб иттилоъ додааст.

Тибқи иттилои манбаъ, дар мусобиқаи мазкур 32 нафар варзишгари донишкада ширкат карда, миёни ҳам қувваозмоӣ намуданд.

Ҳайати ҳакамон ғолибони мусобиқаро муайян намуданд. Ғолибон дар Рӯзи ҷавонон бо ифтихорнома ва туҳфаҳои махсус қадрдонӣ карда мешаванд.