Бахшида ба 25-солагии истиқлолияти кишвар 26-27-уми август дар Амфитеатри Қасри Арбоби ноҳияи Бобоҷон Ғафурови вилояти Суғд чемпионати Осиёи Марказӣ оид ба гӯштини камарбандӣ доир гардид.

Дар он варзишгарон ва паҳлавонон аз 5 кишвари Осиёи Марказӣ ишрок намуданд.

Дар вазни мутлақ барои ба даст овардани Шоҳҷоизаи Раиси вилояти Суғд ду варзишгари тоҷик Хуршед Шарифов, Абдусалом Саломов ва як варзишгар аз Қирғизистон Сагинали улу Иманали миёни ҳам рақобат намуданд.

Дар даври финалии чемпионат ба варзишгари тоҷик Хуршед Шарифов муяссар гардид, ки дар вазни мутлақ сазовори ҷои аввал ва соҳиби Шоҳҷоиза гардад.

Дар фазои тантанавӣ ба ғолибони ҷойҳои ифтихорӣ ва мақоми аввал медал ва туҳфаҳои пуливу ифтихорномаҳо супорида шуд.