<b>Қаҳрамони кишвар тими “Истиқлол”-и шаҳри Душанбе, бозии дуюми марҳилаи гурӯҳии Ҷоми КФО (Конфедератсия футболи Осиё)-2018-ро бо дастаи “Алтин Асир”-и шаҳри Ашқобод, қаҳрамони Туркманистон баргузор намуда, бо ҳисоби мусовӣ 2:2 анҷом дод.<br>
</b><br>
Дидори мазкур имрӯз, 14 март, дар варзишгоҳи “Спорт топлумӣ”-и шаҳри Балканободи Туркманистон баргузор гардид.<br>
  <br>
Дар қисми аввали рақобат ҳарду ҷониб ҳарчанд талош ба задани гол намуда бошанд, ҳам комёб нагардиданд.<br>
  <br>
Нимаи дуюми бозиро футболбозони тоҷик бо барор оғоз намуданд. Дар дақиқаи 50 ба ҳамлагари беларусии “Истиқлол” Николай Зенко, имконияти фарох муҳаё гардид ва ин фурсатро Зенко ба осони истифода намуда, голи ҳисобро боз кард. Пас аз нуҳ дақиқа соҳибони майдон дар хаттӣ ҳимоя қоидаи бозиро вайрон намуданд ва довари марказӣ Али Ризо аз Лубнон зарбаи 11- метра таъин намуд. Зарбаи ҷаримавиро нимҳимоятгари “Истиқлол” Аҳтам Назаров ба осонӣ пушти сар намуда, ҳисобро 0-2 кард.<br>
<br>
Қисми дуюми дидор ҳарчанд барои бозигарони “Истиқлол” бобарор оғоз шуда бошад ҳам, мутаассифона ҳисоби бозиро нигоҳ дошта натавонистанд. Дар дақиқаи 90 Мурод Яхшиев ба дарвозаи Никола Стошич голи аввали дастаашро ворид сохт – 1:2. Дар дақиқаҳои изофӣ 90+3 Олтинмурод Аннадурдиев голи дуюмро зада, тимашро аз мағлубият наҷот дод.<br>
<br>
Дар бозии дигари гурӯҳи “D” рӯзи 13 март тими “Аҳал”-и Туркманистон дар майдони худ дастаи “Олой”-и Қирғизистонро бо ҳисоби бузурги 5:0 шикаст дод. Сулаймон Муҳадов ва Гуванч Абилов дуголро ба номи худ сабт намуданд. Як голи дигарро Нурёғдӣ Муҳаммадов ба ҳадаф расонд.<br>
<br>
Баъди хотимаи даври дуюми мусобиқа дар ҷадвали гурӯҳи “D” “Алтин Асир” ва “Истиқлол” бо доштани чор холӣ пешсафанд. Дастаи “Аҳал” бо се имтиёз дар мавқеи сеюм қарор дорад. Тими “Олой” қаҳрамони Қирғизистон дар зинаи охирин ҷойгир шудааст.<br>
<br>
Ёдовар мешавем, дастаи “Истиқлол”-и шаҳри Душанбе нахустин бозиашро дар марҳилаи гурӯҳии Ҷоми КФО-2018, рӯзи 7 март дар Варзишгоҳи марказии шаҳри Ҳисор бар муқобили тими “Аҳал”-и Балканобод доир намуда буд. Дар ин дидор дастаи “Истиқлол” ҳарифро бо ҳисоби 1:0 шикаст дод.<br>
<br>
Марҳилаи гурӯҳии Ҷоми КФО-2018 дар минтақаи Осиёи Марказӣ, ки 7 март оғоз ёфт, 16 май хотима меёбад. Ба даври минбаъда танҳо ғолиби гурӯҳ роҳ меёбад. Пас аз анҷоми марҳилаи гурӯҳӣ бозиҳои ниманиҳоӣ ва ниҳоии байниминтақавӣ баргузор мешаванд. Бозии финалии Ҷоми КФО-2018 рӯзи 27 октябр барпо мегардад.<br>
<br>
<b>Ҷоми КФО-2018; Гурӯҳи “D”. Минтақаи Осиёи Марказӣ<br>
</b><br>
<b>Даври 1</b><br>
<b> </b>7 март (чоршанбе)<br>
“Истиқлол” (Тоҷикистон) – “Аҳал” (Туркманистон) – 1:0<br>
“Олой” (Қирғизистон) – “Алтин Асир” (Туркманистон) -3:6<br>
<br>
<b>Даври 2 </b><br>
13 март (сешанбе)<br>
“Аҳал” (Туркманистон) – “Олой” (Қирғизистон) – 5:0<br>
14 март (чоршанбе)<br>
Алтин Асир” (Туркманистон) – “Истиқлол” (Тоҷикистон) – 2:2<br>
<br>
<b>Даври 3</b><br>
11 апрел (чоршанбе)<br>
“Истиқлол” (Тоҷикистон) – “Олой” (Қирғизистон)<br>
“Аҳал” (Туркманистон) – “Алтин Асир” (Туркманистон)<br>
<br>
<b>Даври 4</b><br>
25 апрел (чоршанбе)<br>
“Олой” (Қирғизистон) – “Истиқлол” (Тоҷикистон)<br>
“Алтин Асир” (Туркманистон) – “Аҳал” (Туркманистон)<br>
<br>
<b>Даври 5</b> <br>
2 май (чоршанбе)<br>
“Аҳал” (Туркманистон) – “Истиқлол” (Тоҷикистон)<br>
“Алтин Асир” (Туркманистон) – “Олой” (Қирғизистон)<br>
<br>
<b>Даври 6</b><br>
16 май (чоршанбе)<br>
“Истиқлол” (Тоҷикистон) – “Алтин Асир” (Туркманистон)<br>
“Олой” (Қирғизистон) – “Аҳал” (Туркманистон)<br>
<br>