Дар вилояти Хатлон бахшида ба истиқболи Рӯзи варзишгарони Тоҷикистон намоиши дастовард ва бозиҳои варзишӣ баргузор гардид.

Дар ин бора Раёсати кор бо ҷавонон ва варзиши вилояти Хатлон хабар медиҳад.

Гуфта мешавад, ки намоиши мазкур дар маркази вилояти Хатлон бахшида ба Рӯзи варзишгарон ва 33-солагии Истиқлоли давлатии Ҷумҳурии Тоҷикистон доир карда шудааст.

Дар ин намоиш бозиҳои миллӣ ва олимпӣ, ки бештар наврасону ҷавонон ба онҳо таваҷҷуҳ доранд, пешкаши меҳмонон ва шаҳрвандон гардонида шуд.

Тибқи иттилоъ, масъулин аз рафти намоишгоҳ боздид намуда, аз ғамхориҳои ҳамешагии давлату Ҳукумати Тоҷикистон, хосса Пешвои миллат муҳтарам Эмомалӣ Раҳмон дар самти варзиш ёдовар гардиданд.