Гурӯҳи кории Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҷавонони маҳаллаҳои Ҳоруғро бо лавозимоти варзишӣ ва дигар маводҳои мавриди ниёз таъмин намуд.

Гурӯҳи корӣ таҳти роҳбарии Шаҳзод Раҳимзода, сардори Раёсати кор бо ҷавонони кумита барои ҷавонони маҳаллаҳои Шарифободу Табобатхонаи вилоятӣ 30 баста симтур баҳри тавора кашидани майдончаҳои варзишии маҳаллаҳо ва ҳамзамон барои сабзазоркунии майдончаҳои футбол маблағи муайян тақдим кард.

Чунин иқдом бо мақсади ташвиқу тарғиби тарзи ҳаёти солим ва ҷалби наврасону ҷавонон ба варзиш роҳандозӣ шуда, минбаъд ҳам идома хоҳад ёфт.