Дави наврӯзӣ дар шаҳри Хоруғ бо ҷалби зиёда аз 5000 нафар ва мусобиқаи велосипепдронӣ бо ширкати 100 нафар ҷавонону наврасон гузаронида шуд.

Иштирокдорони ҳарду чорабинӣ аз майдони Ғалаба то бинои Донишгоҳи давлатии Хоруғ ба номи Моёншо Назаршоев ҳаракат намуданд.

Баъдан дар Боғи Парчами майдони Исмоили Сомонӣ ба ифтихори ҷашн чорабинии идона баргузор гашт. Дар он Назира Амирбекзода, муовини раиси ВМКБ, Имомёрбек Имомёрбеков, мудири Бахши кор бо ҷавонон ва варзиши шаҳр, сокинони вилоят ва дигар масъулини соҳаи кор бо ҷавонон ҳузур доштанд.

Н. Амирбекзода ҳозиринро ба муносибати ҷашни Наврӯз табрику шодбош гуфта, барояшон сарсабзию рӯзгори хуш таманно кард.

Сипас, ғолибони даву велосипедронӣ аз ҷониби Раёсати кор бо ҷавонон ва варзиши вилоят бо ифтихорномаю туҳфаҳо сарафроз шуда, барномаи рангини консертии ҳофизони вилоят пешкаши тамошобинон гашт.