Бахшида ба Рӯзи Конститутсияи Ҷумҳурии Тоҷикистон дар маҷмааи варзишии шаҳри Хоруғ байни 13 дастаи донишҷӯёни Донишгоҳи давлатии Хоруғ ба номи Моёншо Назаршоев мусобиқаи волейбол оғоз гардид.

Тавре мудири Шуъбаи кор бо ҷавонони донишгоҳ Дидоршоҳ Насриддинов иттилоъ дод, мусобиқа бо ширкати ҳафт дастаи ҷавонписарону шаш тими донишҷӯдухтарон то 5 ноябри соли равон идома ёфта, ғолибонро Ҷоми ректор ва медалу ифтихорномаҳои донишгоҳ интизор аст.

Ҳадафи асосии мусобиқа тарғиби тарзи ҳаёти солим, ҷалб намудани ҷавонон ба машғули мунтазами тарбияи ҷисмонӣ, рушди варзиши касбӣ байни донишҷӯёни муассисаҳои таҳсилоти олӣ ва миёнаи касбии ҷумҳурӣ, баланд бардоштани маҳорати варзишии варзишгарон ва муайян намудани узви дастаи мунтахаби Ҷумҳурии Тоҷикистон миёни муассисаҳои болозикр ва амалигардонии «Барномаи маҷмӯии рушди тарбияи ҷисмонӣ ва варзиш дар Ҷумҳурии Тоҷикистон барои солҳои 2017 – 2021» мебошад.