Дар шаҳри Хоруғи Вилояти Мухтори Кӯҳистони Бадахшон баҳри дарёфти Ҷоми раиси шаҳр миёни ҳашт дастаи донишҷӯёни Донишгоҳи давлатии Хоруғ ба номи Моёншо Назаршоев ва Коллеҷи тиббии шаҳр мусобиқаҳои варзишӣ оғоз гардиданд.

Чорабиниҳои варзишӣ аз рӯи шоҳмот, футболи хурд, волейбол ва баскетбол бо ҳадафи оммавияти варзиш байни ҷавонписарону донишҷӯдухтарон бо ибтикори роҳбарияти шаҳр, раёсати донишгоҳ ва коллеҷ ташкилу доир шуда, он то 8 январи соли 2022 идома меёбанд.

Ба таъкиди масъулин, дар интиҳои мусобиқа ба ғолибон медалу ифтихорнома ва мукофотпулии Бахши кор бо ҷавонон ва варзиши шаҳру шуъбаи кор бо ҷавонони донишгоҳ супорида мешавад