Баҳри инкишофи зеҳнии хонандагон дар МТМУ №7 шаҳри Хоруғ бо иқдоми Маркази дарёфт ва рушди истеъдодҳои Раёсати маорифи ВМКБ байни наврасони муассисаҳои таълимӣ олимпиадаи шоҳмотбозӣ баргузор гардид.

Ба иттилои Панҷшанбе Назаршоев, сармутахассиси марказ дар олимпиада 15 нафар шоҳмотбозони беҳтарини мактабҳои шаҳр бо ҳам рақобат карданд.

Ҳамин тавр, дар он МТМУ №1, мактаб – литсейи Оғохон зинаи аввал, МТМУ №7 ва Мактаби президентӣ ҷойи дуюм, мактабҳои №8 ва 5 бошанд ҷойи сеюмро гирифтанд.

Ба ғолибон аз тарафи Шуъбаи маорифи шаҳру марказ туҳфаҳои хотиравӣ ва мукофотпулӣ дода шуд.