Муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ризо Назарзода бо кормандони Раёсати кор бо ҷавонон ва варзиши ВМКБ ва идораҳои вобаста ба он мулоқот намуд.

Дар вохурӣ мураббиёни мактабҳои варзишӣ, Муассисаи давлатии “Маркази ҷавонон”- вилоят, Шуъбаи кор бо ҷавонони назди Донишгоҳи давлатии Хоруғ ба номи М. Назаршоев масъалаи омодагӣ ба чор мусобиқаи ҷумҳуриявӣ дар вилоят, ки аз рӯи намудҳои волейбол, баскетбол, футбол, гӯштин ба ифтихори Рӯзи Ваҳдати миллӣ гузаронида мешаванд, баррасӣ карданд.

Ба иттилои Имомёрбек Имомёрбеков, мудири Бахши кор бо ҷавонон ва варзиши шаҳр, иштирокдорон ҳамчунин масоили қатъиян дуруст ба роҳ мондани тартибу низоми чорабиниҳои варзишӣ, омода кардани либоси ҷавобгӯи талабот ба варзишгарон ва пазироии самимии меҳмонон аз ҳар гӯшаву канори кишварро муҳокима намуданд.