Мусобиқаи волейбол миёни донишҷӯён дар маҷмааи варзишии шаҳри Хоруғ дар сатҳи баланд гузашта, ғолибони он маълум гардиданд.

Тавре аз Шуъбаи кор бо ҷавонони Донишгоҳи давлатии Хоруғ ба номи Моёншо Назаршоев иттилоъ доданд, дар даври ниҳоии бозии ҷавонписарон дастаи “Педагогӣ” бо ҳисоби 3:2 (25:23), (25:21), (18:25), (21:25), (15:12) бар тими “Забонҳои хориҷӣ” пирӯз шуда, Ҷоми ректорро ба даст овард. Дастаи “Илмҳои табиӣ” бошад зинаи сеюмро ба даст овард.
Дар бозии ҷавондухтарон ҳам тими “Педагогӣ” бо ҳисоби 3:0 (25:20), 25:21), (25:20)

бар дастаи “Математика” дастболо шуда, ҷоийи аввалро ба даст овард ва соҳиби Ҷоми ректор гардид. Зинаи сеюмро “Илмҳои табиӣ” ишғол намуд.

Сипас, ректори донишгоҳ, профессор Шермамад Ҷонмамадов ғолибону устодони риштаи варзиши донишҷӯёнро бо медал, сипосномаву ифтихорнома ва дигар тӯҳфаҳои хотиравӣ қадрдонӣ кард. Инчунин, бозингарони дастаҳои ғолиб ба даври мусобиқаи ҷумҳуриявӣ роҳхат гирифтанд.

Ёдрас мешавем, ки мусобиқаи мазкур чанде пеш байни 13 дастаи донишҷӯёни Донишгоҳ сурат гирифта, мақсади баргузории он тарғиби тарзи ҳаёти солим, ҷалб намудани ҷавонон ба машғули мунтазами тарбияи ҷисмонӣ, рушди варзиши касбӣ байни донишҷӯёни муассисаҳои таҳсилоти олӣ ва миёнаи касбии ҷумҳурӣ, баланд бардоштани маҳорати варзишии варзишгарон ва муайян намудани узви дастаи мунтахаби Ҷумҳурии Тоҷикистон миёни муассисаҳои болозикр ва амалигардонии “Барномаи маҷмӯии рушди тарбияи ҷисмонӣ ва варзиш дар Ҷумҳурии Тоҷикистон барои солҳои 2017 – 2021” буд.