Дар ноҳияи Дарвоз ба ифтихори Рӯзи Президенти Ҷумҳурии Тоҷикистон ва барои дарёфти Ҷоми раиси ноҳия миёни шаш дастаи беҳтарини ҷавонон мусобиқаи футбол доир гардид.

Тавре Хуршед Ғаффоров, корманди Бахши кор бо ҷавонон ва варзиши ноҳия иттилоъ дод, бозӣ хеле шавқовар ҷараён гирифта, ҳар яке аз дастаҳо талош намуд то ба даври ниҳоӣ роҳ ёбаду баъдан соҳиби ҷом шаванд.

Вале ба даври охир танҳо тимҳои “Хумбивалӣ” ва “Даштак” роҳ ёфтанд, ки дар натиҷа “Хумбивалӣ” бар дастаи рақиб бо ҳисоби 3 : 1 ғолиб омада, ҷойи якумро ишғол намуд ва ҷоми раиси ноҳияро ба даст овард.

Инчунин бозингарони дастаҳои ғолиб аз тарафи роҳбарияти ноҳия бо медалу мукофотпулӣ сарафроз шуданд.