Сомон Маҳмадбеков ҷудокори муваффақи кишвар дар вазни зери то 81 кг дар Бозиҳои Осиёии Ҳангжоу аз худ ҳунару маҳорати воло нишон дода, бо гирифтани ҷойи аввал Қаҳрамони Бозиҳои Осиёӣ гардид.

Сомон таърихсозӣ кард ва аввалин ҷудокор дар таърихи ҷудои тоҷик шуд, ки ба финали Бозиҳои Осиёи роҳ ёфт. Дар финал Ли Ҷунван аз Кореяи Ҷанубиро шикаст дода, ба гирифтани нишони тиллои мусобиқа мушарраф гардид.

Сомон дар даври аввал бо ду имтиёзи вазарӣ бар Муаяд Звайб аз Фаластин пирӯз шуда, ба даври чаҳорякниҳоӣ роҳ ёфт. Дар даври чаҳорякниҳоӣ Сомон бо имтиёзи иппон бар Асад Масабирови қирғиз ғалаба карда, ба даври ниманиҳоии Бозиҳои Осиёи Ҳангжоу -2022 баромад. Дар даври ниманиҳоӣ Сомон тавонист, ки бо як ҷасорату матонати ба худ хос бар Абулайхан Жубаназари қазоқ бо имтиёзи вазарӣ ғалаба кунад.

Я. МАҲМАДНАБИЕВ, “ҶТ”