ВАРЗИШ
Якшанбе 28 Феврал 2021 08:12
7663
29 декабр дар шаҳри Душанбе таҳти раёсати муовинони президенти Кумитаи миллии олимпии Тоҷикистон Шамсулло Соҳибов ва Абдуллозода Аҳтам ҷаласаи 19-ум Ассамблеяи генералии Кумитаи миллии олимпии Тоҷикистон баргузор шуд.

Дар ҷаласа аъзои Ассамблея - роҳбарон ва намояндагони федератсияҳои милии варзишӣ иштирок карданд.

Аз рӯи рӯзномаи ҷаласа ҳисоботи Абдуллозода Аҳтам, муовини президенти Кумита дар давраи солҳои 2019-2020 шунида шуд.

Зикр гардид, ки 15 варзишгар аз дастгирии молиявӣ ҷиҳати дарёфти роҳхат ба Бозиҳои олимпии Токио-2020 бархӯрдоранд. Соли 2019 гирандагони кӯмакпулии олимпӣ аз мусобиқаҳои байналмилалӣ 27 медал-11 тилло, 7 нуқр, 9 биринҷӣ ба даст оварданд. Соли 2020 бошад, ду нафар гирандаи дастгирии молиявии олимпӣ–Баҳодур Усмонов ва Шаббос Негматуллоев дар намуди бокс дар мусобиқаи интихобӣ дар шаҳри Аммони Урдун роҳхати Бозиҳои олимпиро сазовор шуданд.

Дар доираи Барномаи қитъавии дастгирии молиявии варзишгарон соли 2019 12 варзишгар аз рӯи 6 намуди варзиш ба 12 мусобиқаи байналмилалии литсензионӣ сафарбар гардиданд. Соли 2020 бошад, 3 варзишгар аз рӯи намуди гуштини тарзи озод ба Чемпионати Осиё сафарбар гардиданд, ки дар натиҷа Муҳаммад Икромов дар вазни 61кг медали нуқра ва Искандари Рустам дар вазни 97кг медали биринҷӣ ба даст оварданд. Ҳамчунин, барои дастаҳои мунтахаби чудо ва таеквондо ҷамъомадҳои машқӣ-таълимӣ гузаронида шуда, таҷҳизот ва лавозимоти варзишӣ харидорӣ ва ба федератсияҳои варзишӣ тақсим карда шуд.

Дар доираи Барномаи дастгирии молиявии варзишгарон-Пекин-2022, ки аз моҳи ноябри соли 2019 шуруъ гардид, то моҳи феврали соли 2022 ду варзишгар аз намуди лижаронӣ Сайфиддини Низомиддин ва ғоибов Баҳриддин ҳар моҳ 1500 доллари кӯмакпулӣ дарёфт мекунанд, ки барои иштирок дар мусобиқаҳо ҷиҳати ба даст овардани роҳхат ба Бозиҳои зимистонаи олимпии Пекин-2022, тамрин ва хизматрасонии тиббӣ (формакология) пешбинӣ шудааст.

Дар доираи дигар барномаҳои ҳамбастагии олимпӣ давоми солҳои 2019-2020 бо ҷалби коршиносони байналмилалӣ 5 курси омӯзишӣ- техникӣ барои мураббиёни қаиқронӣ, дзюдо, таеквондо, тенниси рӯи миз бо ҷалби беш аз 100 нафар, 13 курси омӯзишӣ барои маъмурони соҳаи варзиш дар 12 шаҳру ноҳияи кишвар бо ҷалби 270 нафар, 166 семинари омӯзишӣ-маърифатӣ оид ба допинг бо ҷалби 6920 нафар, семинари омӯзишӣ ва чорабиниҳои маърифатӣ оид ба омӯзиши фарҳанг ва мероси олимпӣ дар 30 муассисаи таҳсилоти миёнаи умумӣ бо ҷалби ҳудуди 10000 хонанда, 4 семинари омӯзишӣ бо намояндагони мактабҳои варзишӣ ва федератсияҳои миллӣ ҷиҳати ташкил ва баргузор кардани мусобиқаҳои варзишӣ бо ҷалби беш аз 100 нафар, 5 семинари омӯзишӣ ва 3 мусобиқаи варзишӣ дар доираи барномаи устуворӣ дар варзиш бо ҷалби ҳудуди 200 нафар, семинарҳои омӯзишӣ барои масъулон, мураббиён ва доварони Федератсияҳои каратэ-до ва камонварӣ ҷиҳати рушди ин намудҳо, ҳамчунин таъмини ин федератсияҳо бо таҷҳизоти варзишӣ, 6 семинари омӯзишӣ оид ба баробарии гендерӣ бо ҷалби 120 нафар, 5 семинари комиссияи варзишгарон дар 5 шаҳру ноҳия бо ҷалби беш аз 100 нафар ташкил ва баргузор карда шуданд.

Кумита дар ҳамкорӣ бо Кумитаи кор бо ҷавонон ва варзиш 16 ҷаласаи гурӯҳи кории "Роҳ ба сӯи Токио”-ро баргузор намуд, ки масъалаҳои омодагии дастаҳои мунтахаб, иштироки онҳо дар мусобиқаҳои интихобӣ ва дигар масъалаҳои марбут муҳокимаву баррасӣ шуданд.

Пас аз муҳокима ва баррасӣ бо ҷонибдории аъзои Ассамблеяи генерали Оинномаи кумита дар таҳрири нав, қоидаҳои зидди допингии кумита, нақшаи кор ва нақшаи буҷети Кумита дар соли 2021 тасдиқ карда шуданд.

Қиёмиддин МАҲМАДҶОНОВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Феврал 2021 c.