17 марти соли 2018 бо тасмими Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар сартосари ҷумҳурӣ дави наврӯзӣ ва марафони велосипедронӣ баргузор мегардад.

Мусобиқаҳои мазкур бахшида ба ҷашни Наврӯзи байналмилалӣ гузаронида шуда, варзишгарони шаҳри Душанбе дар масофаи 3,5 км миёни ҳам рақобат мекунанд. Масофи дав аз гардиши Товус то Наврӯзгоҳро дар бар гирифта, аз соати 7:00 то 11:00 гузаронида мешавад.

Ин чорабиниҳои варзишӣ дар сасои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар ҷаласаи Ҳукумати Ҷумҳурии Тоҷикистон аз 28 феврали соли 2018 ва силсила чорабиниҳои оммавӣ-варзишӣ баҳри оммавияти варзиш ва солимгардонии ҷомеа рӯи даст гирифта шудааст.

Дар баробари мусобиқаи мазкур давоми моҳи март бо ибтикори Кумитаи кор бо ҷавонон ва варзиш бахшида ба ҷашни Наврӯзи байналмилалӣ силсила барномаҳои оммавӣ–варзишӣ, солимгардонӣ ва мусобиқаҳои гуногуни варзишӣ гузаронида мешавад.