Дар назди Маҷмааи таърихӣ ва фарҳангии “Истиқлол” мусобиқаи вилояти Суғд оид ба марафони велосипедронӣ баргузор гардид.

Зимни баргузории мусобиқаи вилояти Суғд оид ба марафони велосипедронӣ гуфта шуд, ки тараққӣ додани варзиш ва ташвиқу тарғиби тарзи ҳаёти солим дар байни наврасону ҷавонон яке аз самтҳои мушҳимтарини фаъолияти сохтору мақомоти давлатӣ маҳсуб меёбад, зеро наврасону ҷавонон ҳар қадар солим бошанд, давлату миллат низ ба ҳамон андоза нерӯманду тавоно мегардад.

Дар чорабинии мазкур беш аз 300 нафар шаҳрвандон, аз ҷумла наврасону ҷавонон ва варзишгарони вилоят иштирок намуданд. Мусобиқаи мазкур аз рӯи 4 зинаи синну сол доир гардида, ғолибон бо диплом, медал ва Ҷоми мусобиқа қадршиносӣ гардиданд.