ВАРЗИШ
Панҷшанбе 28 Март 2024 07:42
Имрӯз дар кохи “Парфенон”- и шаҳри Душанбе маросими ҷоизасупории соҳаи тарбияи ҷисмонӣ ва варзиш дар соли 2022 баргузор гардид.
Дар он Матлубахон Сатториён, муовини Сарвазири Ҷумҳурии Тоҷикистон, Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, варзишгарон ва устодони намудҳои гуногуни варзиш иштирок намуданд.
Дар оғози чорабинӣ Матлубахон Сатториён, муовини Сарвазири Ҷумҳурии Тоҷикистон баромад намуда, иброз дошт, ки “соли 2022 барои Тоҷикистон дар маҷмуъ соли бобарор буд ва дар ин сол варзишгарони мо тавонистанд, ба дастовардҳои назаррас ноил гарданд.
“Соҳаи тарбия ҷисмонӣ ва варзиш дар даврони соҳибистиқлолӣ яке аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон ба ҳисоб рафта, маҳз ба хотири таъмини оммавияти варзиш, таҳкими тарзи ҳаёти солим, мусоидат ба омодакунии варзишгарони тоҷик заминаи мусоид фароҳам оварда шудааст. Сиёсати созандаву бунёдкоронаи Ҳукумати кишвар, хусусан ҷаҳду талошҳои Пешвои муаззами миллат муҳтарам Эмомалӣ Раҳмон имкон фароҳам намуд, ки соҳаи варзиши мамлакат рушд намояд. Ҳамчунин 11 феврали соли ҷорӣ Амри Президенти Ҷумҳурии Тоҷикистон таҳти №АП-333 барои мукофотонидани 35 нафар ғолибон ва ҷоизадорони мусобиқаҳои байналмилалии варзишӣ ва мураббиёни онҳо ба тасвиб расид, ки ҳаҷми умумии мукофотпулиҳо 568 750 сомониро ташкил медиҳад”, - иброз дошт Матлубахон Сатториён.
Дар идома, Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон баромад намуда, таъкид намуд, ки: “Тарғибу ташвиқи тарзи ҳаёти солим, роҳандозӣ намудани тадбирҳои мақсадноку пайваста, машғул шудани ҷавонону наврасон ба варзиши касбӣ, муҳайё намудани шароити созгори инфрасохторию ташкилӣ, зери таваҷҷуҳи доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Дар асл, соҳаи тарбияи ҷисмонӣ ва варзиш на фақат дар рушду нумӯи давлату миллат муҳим мебошад, балки василаи муҳими беҳтарини муаррифии давлату миллат дар арсаи байналмилалӣ ба ҳисоб меравад. Аз ин рӯ, фаъолият дар ин соҳа барои ҳар яки мо пеш аз ҳама дарку фаҳмиши баланд ва далерию мардонагӣ, садоқатмандӣ ба миллату давлатро талаб менамояд”.
Баъди суханрониҳои ифтитоҳӣ 35 нафар варзишгарону мураббиёни комёбу муваффақи Ҷумҳурии Тоҷикистон, ки дар соли 2022 ба дастовардҳои баланди варзишӣ ноил гардидаанд, бо мукофотпулиҳои Ҷоизаи Президенти Ҷумҳурии Тоҷикистон қадрдонӣ карда шуданд.
Ҳамчунин, дар чорабинӣ ғолибони озмуни ҷоизаи “Варзишгари беҳтарини сол”, “Мураббии беҳтарини сол”, “Мактаби варзишии беҳтарини сол”, “Беҳтарин федератсияи варзишии сол”, “Беҳтарин иншооти варзишии сол”, “Беҳтарин шаҳри варзишии сол”, “Беҳтарин васоити ахбори омма дар соҳаи тарбияи ҷисмонӣ ва варзиш”, “Беҳтарин сохтори маҳаллӣ дар соҳаи тарбияи ҷисмонӣ ва варзиш”, “Шореҳи беҳтарини соҳаи варзиш” ва “Варзишгарнавраси умедбахш” дар соли 2022 муайян ва бо туҳфаҳо қадрдонӣ гардиданд.
Лозим ба зикр аст, ки дар заминаи сиёсати варзишпарварони Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат соли шашум аст, ки ғолибон ва ҷоизадорони мусобиқаҳои сатҳи байналмилалии варзишӣ бо мукофотпулиҳои Ҷоизаи Президенти Ҷумҳурии Тоҷикистон ҳавасманд карда мешаванд.
Дар он Матлубахон Сатториён, муовини Сарвазири Ҷумҳурии Тоҷикистон, Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, варзишгарон ва устодони намудҳои гуногуни варзиш иштирок намуданд.
Дар оғози чорабинӣ Матлубахон Сатториён, муовини Сарвазири Ҷумҳурии Тоҷикистон баромад намуда, иброз дошт, ки “соли 2022 барои Тоҷикистон дар маҷмуъ соли бобарор буд ва дар ин сол варзишгарони мо тавонистанд, ба дастовардҳои назаррас ноил гарданд.
“Соҳаи тарбия ҷисмонӣ ва варзиш дар даврони соҳибистиқлолӣ яке аз самтҳои афзалиятноки сиёсати иҷтимоии Ҳукумати Ҷумҳурии Тоҷикистон ба ҳисоб рафта, маҳз ба хотири таъмини оммавияти варзиш, таҳкими тарзи ҳаёти солим, мусоидат ба омодакунии варзишгарони тоҷик заминаи мусоид фароҳам оварда шудааст. Сиёсати созандаву бунёдкоронаи Ҳукумати кишвар, хусусан ҷаҳду талошҳои Пешвои муаззами миллат муҳтарам Эмомалӣ Раҳмон имкон фароҳам намуд, ки соҳаи варзиши мамлакат рушд намояд. Ҳамчунин 11 феврали соли ҷорӣ Амри Президенти Ҷумҳурии Тоҷикистон таҳти №АП-333 барои мукофотонидани 35 нафар ғолибон ва ҷоизадорони мусобиқаҳои байналмилалии варзишӣ ва мураббиёни онҳо ба тасвиб расид, ки ҳаҷми умумии мукофотпулиҳо 568 750 сомониро ташкил медиҳад”, - иброз дошт Матлубахон Сатториён.
Дар идома, Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон баромад намуда, таъкид намуд, ки: “Тарғибу ташвиқи тарзи ҳаёти солим, роҳандозӣ намудани тадбирҳои мақсадноку пайваста, машғул шудани ҷавонону наврасон ба варзиши касбӣ, муҳайё намудани шароити созгори инфрасохторию ташкилӣ, зери таваҷҷуҳи доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад. Дар асл, соҳаи тарбияи ҷисмонӣ ва варзиш на фақат дар рушду нумӯи давлату миллат муҳим мебошад, балки василаи муҳими беҳтарини муаррифии давлату миллат дар арсаи байналмилалӣ ба ҳисоб меравад. Аз ин рӯ, фаъолият дар ин соҳа барои ҳар яки мо пеш аз ҳама дарку фаҳмиши баланд ва далерию мардонагӣ, садоқатмандӣ ба миллату давлатро талаб менамояд”.
Баъди суханрониҳои ифтитоҳӣ 35 нафар варзишгарону мураббиёни комёбу муваффақи Ҷумҳурии Тоҷикистон, ки дар соли 2022 ба дастовардҳои баланди варзишӣ ноил гардидаанд, бо мукофотпулиҳои Ҷоизаи Президенти Ҷумҳурии Тоҷикистон қадрдонӣ карда шуданд.
Ҳамчунин, дар чорабинӣ ғолибони озмуни ҷоизаи “Варзишгари беҳтарини сол”, “Мураббии беҳтарини сол”, “Мактаби варзишии беҳтарини сол”, “Беҳтарин федератсияи варзишии сол”, “Беҳтарин иншооти варзишии сол”, “Беҳтарин шаҳри варзишии сол”, “Беҳтарин васоити ахбори омма дар соҳаи тарбияи ҷисмонӣ ва варзиш”, “Беҳтарин сохтори маҳаллӣ дар соҳаи тарбияи ҷисмонӣ ва варзиш”, “Шореҳи беҳтарини соҳаи варзиш” ва “Варзишгарнавраси умедбахш” дар соли 2022 муайян ва бо туҳфаҳо қадрдонӣ гардиданд.
Лозим ба зикр аст, ки дар заминаи сиёсати варзишпарварони Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат соли шашум аст, ки ғолибон ва ҷоизадорони мусобиқаҳои сатҳи байналмилалии варзишӣ бо мукофотпулиҳои Ҷоизаи Президенти Ҷумҳурии Тоҷикистон ҳавасманд карда мешаванд.
Эзоҳи худро нависед