Бо мақсади таҳкими тарзи ҳаёти солим, оммавигардонии варзиш, ҷалби ҷавонону наврасон ба варзиш ва пешгирии онҳо аз омилҳои номатлуб, 16 июн, машқи пагоҳирӯзӣ ва солимгардонӣ таҳти унвони “Зебоӣ, тавоноӣ ва доноӣ аз варзиш аст!” дар шаҳру ноҳияҳои вилояти Суғд гузаронида шуд.

Машқҳои мазкур дар ҷойҳои ҷамъиятӣ, боғҳои фарҳангиву фароғатӣ, майдончаҳои варзишии шаҳру ноҳияҳои вилоят доир гардида, дар он беш аз 5500 нафар кормандон ва волонтёрони Раёсат, кормандони мактабҳои варзишии вилоят, гирандагони стипендияи Президентӣ, варзишгарон ва сокинони шаҳри Хуҷанд иштирок намуданд.