ВАРЗИШ
Чоршанбе 28 Феврал 2024 08:56
1410
Субҳи имрӯз дар “Наврӯзгоҳи Пойтахт” ҳудуди 1000 нафар дар машқҳои пагоҳирӯзӣ иштирок карданд.

Дар он ҳамчунин намояндагони Кумитаи ҷавонон, варзиш ва сайёҳӣ, устодон ва донишҷӯёни Донишкадаи тарбияи ҷисмонӣ ҳузур доштанд.

Бо ибтикори Кумитаи ҷавонон, варзиш ва сайёҳӣ дар ҳамкорӣ бо Федератсияи футболи Тоҷикистон шурӯъ аз 6 августи соли равон ҳар рӯзи шанбе ҳамчун рӯзи варзиш соати 06:00 дар сартосари мамлакат машқҳои пагоҳирӯзӣ гузаронида мешавад. Он бо мақсади таҳкими тарзи ҳаёти солим ва тарғибу ташвиқи оммавияти варзиш роҳандозӣ гардидааст.

Машқҳои пагоҳирӯзӣ дар марказҳои шаҳру ноҳияҳои ҷумҳурӣ дар назар дошта шудааст. Тибқи таҳлили коршиносони соҳа баъд аз хоби чандсоата, бояд инсонҳо гардиши хуну тапиши дилро тариқи машқҳои пагоҳирӯзӣ муътадил созанд. Ба гуфта онҳо инсонҳо бояд бо машқҳои пагоҳирӯзӣ мушакҳои дасту поро аз хоб бедор кунад ва ба ин васила дар давоми рӯз худро солиму бардам эҳсос намояд.

мАШҚИ ПАГОҲИРӮЗӢ.jpg

пагоҳирӯзӣ.jpg


Эзоҳи худро нависед



Рамзҳо дар расм