Дар деҳаи Хушобаки ҷамоати Пушинги ноҳияи Данғара як майдончаи замонавӣ барои бозии футбол ба истифода дода шуд.

Ин майдонча бо ташаббуси ҷавонони ватандӯсти деҳаи мазкур сохта шуда, дар маросими ифтитоҳи он намояндагони ҷамоати деҳоти Пушинг ва роҳбарияти Федератсияи футболи Тоҷикистон иштироку суханронӣ намуданд.

Гуфта шуд, ки бунёди майдончаҳои варзишӣ дар деҳот, ки бо маром идома доранд, барои тарбияи насли солим ва кашфи футболбозони соҳибистеъдод заминаи воқеӣ гузошта, дар таҳкими солимии наврасону ҷавонон нақши муассир мегузорад.