Дар доираи “Барномаи ислоҳоти соҳаи оби Ҷумҳурии Тоҷикистон барои солҳои 2016 -2025” доир ба таъмин кардани аҳолии кишвар бо оби босифати ошомиданӣ ва ба ифтихори 30 – солагии Истиқлолияти давлатии кишвар дар деҳаи Савири ҷамоати Роштқалъаи ноҳияи Роштқалъа хати нави обгузар мавриди баҳрабардорӣ қарор мегирад.

Тавре раиси ҷамоат Доромшо Кабутаршоев иброз намуд, хати обгузар бо арзиши зиёда аз 80 000 сомонии маблағи ҷамъшудаи сокинон ва рӯдаи 400 метра, ки аз тарафи Вазорати энергетика ва захираҳои оби кишвар кумак шудааст, сохта мегардад.

Ҳоло ҷамоат аз 12 деҳаву 4 ҳазору 61 нафар аҳолӣ ибрат буда, инчунин ба истиқболи Рӯзи Ваҳдати миллӣ дар деҳаи Ҷарши он майдончаи муосири варзишӣ ба маблағи беш аз 90 ҳазор сомонӣ ба истифода дода мешавад.

- Дар самти азхудкунии заминҳои нави обёришаванда, барқарорсозии заминҳои аз гардиши кишоварзӣ берунмонда ва рушди соҳаи кишоварзӣ ҳоло дар майдони беш аз 127 гектар сабзавоти гуногун кишт карда шуда, картошкапарварӣ имсол 24 га зиёдтар гардид, - қайд кард номбурда.