Меҳмонхонаи варзиш, ки чанд муддат бинобар ба шароитҳои замонавӣ ҷавобгӯ набудан фаъолият намекард, баъди таъмиру азнавсозӣ имрӯз, 3 ноябр, дубора ба кори худ оғоз намуд.

Меҳмонхонаи мазкур дар шакли муосир ва мувофиқи талаботҳои сатҳи байналмилалӣ таъмир шуда, ба кори худ шуруъ намуд, ки расми кушодашавии он раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ва дигар намояндагони соҳаи варзиш иштирок намуданд.

Баъди ба фаъолият оғоз намудан аввалин шуда варзишгарони риштаи гӯштини самбо, ки дар машқҳои дастаҷамъии пеш аз чемпионати ҷаҳон қарор доранд, ба фароғат фаро гирифта шуданд.

Гуфта шуд, ки меҳмонхонаи “Варзиш” ба таври ҳашари дастаҷамъӣ сохта шуда, ҳадияи кормандон ва зерсохторҳои Кумитаи кор бо ҷавонон ва варзиш дар “Соли ҷавонон” мебошад.
Зимни суҳбат варзишгарон иброз доштанд, ки меҳмонхона нисбати солҳои пешин симои тамоман дигар ба худ касб намуда, бо тамоми шароитҳои сатҳи байналмилалӣ таъмин буда, макони хуби истироҳату фароғати варзишгарон зимни гузаронидани машқҳои дастаҷамъӣ мебошад.