Комроншоҳи Устопириён дар рӯзи 8-уми Бозиҳои ҳамбастагии исломӣ дар шаҳри Қуния барои Тоҷикистон нишони нуқраи 3-юмро ба даст овард.

Комроншоҳ дар даври ниҳоӣ аз ҷудокори мизбон - Михаел Зганк бо имтиёзи иппон дар сониҳояи охири рақобат шикаст хӯрд.

Комроншоҳ дар даври аввал озод буд ва рақобатҳоро дар даври дуюм оғоз кард. Дар ин давр ӯ бо ҷудокори эронӣ Сайидмуҳаммадризо Саидаминӣ мубориза бурда, ғолибият ба даст овард.
Дар даври чаҳорякниҳоӣ рақиби Комроншоҳ аз кишвари мизбон Умар Айдин гардид. Дар ин мусобиқа низ Комрон маҳорати баланд нишон дода, бо шикаст додани ҳариф ба даври нимниҳоӣ баромад.

Дар даври нимниҳоӣ Комроншоҳ ҷудоварзи лубнонӣ Карамноб Сагаиповро дар вақти тиллоӣ шикаст дода, ба даври ниҳоӣ роҳ ёфт.

Дар даври ниҳоӣ Комроншоҳ аз ҷудокори мизбон - Михаел Зганк бо имтиёзи иппон дар сониҳояи охири рақобат шикаст хӯрд ва ҳамин тавр ба гирифтани ҷои дуюм сарафроз гашт.
Ёдовар мешавем, ки ин сеюмин медали нуқраи варзишгарони Тоҷикистон дар бозиҳои ҳамбастагии кишварҳои исломӣ дар соли ҷорӣ мебошад.