Паҳлавони тоҷик, Хуршед Маҷидов дар мусобиқаи ҷудо барои Ҷоми мири шаҳри Иркутск соҳиби медали тилло гардид.

Хуршед дар вазни +100 кило ҳарифони худро аз Русия, Муғулистон, Ҷопон мағлуб карда, ба даври ниҳоӣ роҳ ёфт. Дар даври ниҳоӣ варзишгари Қазоқистонро дар 10 сония мағлуб намуд. Аз ҷониби Тоҷикистон дар ин мусобиқа, ҳамчунин Ҷаҳонигир Маҷидов ва Ёсин Неъматов иштирок намуданд.

Мусобиқаи мазкур миёни ҷавонони соли таваллудашон 1997-1999 баргузор гардид. Дар он 321 варзишгар аз 27 кишвари дунё ширкат варзиданд.