ВАРЗИШ
Шанбе 04 Май 2024 11:21
Дастаи мунтахаби ҷавонони футболи Тоҷикистон (U-23) бо вуҷуди он ки дар бозии сеюмаш дар марҳилаи ниҳоии Ҷоми Осиё-2024 дар Қатар тими Тайландро бо ҳисоби 1:0 шикаст дод, натавонист ба даври чорякниҳоии мусобиқот роҳ пайдо кунад. Бинобар ин, сармураббии даста Мубин Эргашев аз вазифааш истеъфо додааст.
Бозии даври охирини гурӯҳи “С” байни дастаҳои мунтахаби олимпии Тоҷикистону Тайланд шаби душанбеи 22-юми апрел дар шаҳри Доҳа, дар варзишгоҳи “Ал-Ҷануб” доир гардид.
Нимаи аввали дидор комилан бо бартарии футболбозони ҷавони тоҷик гузашт ва онҳо пайваста ҳуҷум мекарданд, аммо ба задани гол муваффақ нашуданд.
Дар ибтидои нимаи дуюми бозӣ тайландиҳо фаъол буданд. Баъдан бозӣ бо ҳуҷумҳои ҳарду ҷониб сурат гирифт. Голи ягонаро сарвони дас-таи олимпии Тоҷикистон Манучеҳр Сафаров дар охири дидор (90+1) ба самар расонд.
Аммо ин ғалаба ба футболбозони ҷавони тоҷик имкон надод, ки ба даври баъдӣ роҳ ёбанд, зеро онҳо бо касби се имтиёз дар ҷадвали гурӯҳи “С” ҷойи сеюмро гирифтанд.
Дастаи ҷавонони то 23-солаи Ироқ, ки дар бозии даври охирин тими Арабистони Саудиро бо ҳисоби 2:1 мағлуб кард, бо касби 6 имтиёз ғолиби гурӯҳ шуда, ба чорякфинал баромад.
Тими Арабистони Саудӣ низ 6 имтиёз гирифт ва аз рӯи натиҷаи бозиаш бо ироқиҳо мақоми дуюмро касб намуда, соҳиби роҳхат ба плей-офф шуд.
Дастаҳои олимпии Тоҷикистону Тайланд, ки бо се имтиёзӣ мутаносибан ҷойҳои сеюму чаҳорумро ишғол карданд, аз ҳаққи ширкат дар даври баъдӣ маҳрум шуданд.
Дастаи мунтахаби олимпии Тоҷикистон (U-23) дар ду бозиаш дар марҳилаи ниҳоии Ҷоми Осиё-2024 дар Қатар аз тимҳои Арабистони Саудӣ ва Ироқ бо ҳисоби якхелаи 2:4 шикаст хӯрда буд.
Ба ин тартиб, тими ҷавонони то 23-солаи Тоҷикистон, ки ду бор (солҳои 2022 ва 2024) дар марҳилаи ниҳоии Ҷоми Осиё иштирок кардааст, ин дафъа низ натавонист ба плей-офф барояд.
Сармураббии дастаи мунтахаби ҷавонони то 23-солаи Тоҷикистон Мубин Эргашев баъди анҷоми бозӣ муқобили Тайланд аз вазифааш истеъфо дод.
Истеъфои Эргашев пас аз бозӣ дар нишасти матбуотӣ, дар пахши мустақим садо дод. Ӯ аз мухлисон узр пурсида изҳор дошт, ки: “Мо аз кулли мардуми Тоҷикистон узр мепурсем, ки натавонистем хоҳиши онҳоро бароварда кунем, ба ҳамин хотир мехоҳам кори моро дигарон давом диҳанд”.
Аксар истифодабарандагони шабакаҳои иҷтимоӣ иқдоми Эргашевро ҷонибдорӣ намуданд, ки гарчанде каме дер истеъфо дод, аммо иқрораш мардона буд.
Инъомҷон Набиев, истифодабарандаи шабакаи иҷтимоии фейсбук дар саҳфааш изҳор дошт, ки истеъфои Эргашев бояд як сол пеш амалӣ мешуд:
“Бисёр амалкарди хуб! Агар як сол пеш истеъфо медод, шояд тими миллии U-23 аз гурӯҳ мебаромад. Бо ин қадар ҳайати пурқувват натиҷаи хуб нишон надод. Хубаш ба нафақа барояду мисли ҳама футболро дар телевизор тамошо кунад”.
Дар ҳайати мунтахаби U-23-и Тоҷикистон аз ҳайати тими мунтахаби асосии кишвар бозингарон зиёд буданд, ки аксари онҳо маҳорати волои футболбозӣ доранд, ки ба инҳо Манучеҳр Сафаров, Рустам Соиров, Амадони Камолов, Алишер Шукуров, Шаҳром Самиев ва дарвозабон Муҳриддин Ҳасанов мисол шуда метавонанд.
Ин нуктаро низ мухлисон хуб дарк намуда буданд, ки сармураббӣ аз маҳорати ин бозингарон ба таври бояду шояд истифода бурда натавонист.
“Қисми хайати мунтахаби U-23 дар ҳайати тими мунтахаби асосии миллӣ дар Ҷоми Осиё бисёр арзанда ҳунарнамоӣ карданд. Пас, маълум мешавад, ки мураббӣ тактикаи хуб ба роҳ монда натавонист. Фаромӯш набояд кард, ки мураббӣ бояд ба бозингарон руҳияи ғалабаовар ё “мотиватсия” дода тавонад. Бо ин қошу қавоқи Мубин Эргашев бозингарони мо руӯҳан тайёр шуда натавонистанд”, - менависад дар саҳифаи фейсбукии хеш Ширинбек Шарифов.
Баъзе аз корбарон бохти ду бозии мунтахаби U-23-ро дар ҳайати асосӣ ҷой додани дарвозабон Муҳриддин Ҳасанов медонанд, чун ин дарвозабон дар рақобат бо Арабистони Саудӣ ва Ироқ 4 голӣ дар ҳар бозӣ, маҷмуъан 8 гол ба дарвозаи худ сар дод, ки ин омил ба гунае қомати дас-таро шикаст.
Корбари дигаре бо номи Киромиддин Зоиров дар саҳифаи фейсбукии худ нигоштааст: “Мубин Эргашев камтар дертар истеъфо дод, бояд ин корро барвақт мекард. Дар вақти давраҳои таълимӣ ва бозиҳои санҷишӣ маълум буд, ки аз уҳдаи кор намебарояд”.
Аммо саволи матраҳ ин аст, ки оё бо канор рафтани сармураббӣ кори даста беҳтар мегардад?
Барои посух ёфтан ба ин савол мухлисони футболи кишварро мебояд ба маснади мураббигӣ нишастани мураббии ҷадидро дар мунтахаби то 23-солаҳои Тоҷикистон интизор гарданд.
Дар бохти бозингарони U-23 кулли гуноҳро ба дӯши сармураббӣ бор кардан ҳам камоли одамӣ нест, чун Эргашев ҳанӯз пеш аз рақобатҳои Ҷоми Осиё байни бозингарони то 23-сола изҳор дошта буд, ки баъзе аз бозингарони ҳайати асосӣ дертар ба даста пайвастанд ва ин омил имкон надод, ки мунтахаби то 23-солаҳои кишвар машқҳои дастаҷамъонаи худ-ро бо як ҳайати мукаммал доир намояд.
Бояд гуфт, ки мусобиқаи қаҳрамонии Осиё-2024 (U-23) дар Қатар дар панҷ гурӯҳ ба анҷом расид. Дастаҳои мунтахаби ҷавонони то 23-солаи Қатар ва Индонезия аз гурӯҳи “А”, Кореяи Ҷанубӣ ва Ҷопон аз гурӯҳи “В”, Ироқ ва Арабистони Саудӣ аз гурӯҳи “С” ба чорякфинал роҳ ёфтанд.
Мусобиқа дар гурӯҳи “D” шаби сешанбеи 23-юми апрел хотима меёбад. Аммо дар ин гурӯҳ тимҳои Узбекистон ва Ветнам, ки шаш имтиёзӣ гирифтаанд, пешакӣ ба чорякфинал роҳ ёфтанд.
Дар мусобиқаи қаҳрамонии Осиё-2024 (U-23) дар Қатар дастаҳои мунтахаб барои дарёфти квотаҳо аз қитъаи Осиё ҷиҳати ширкат дар Бозиҳои тобистонаи олимпӣ, ки аз 26-уми июл то 11-уми августи соли равон дар Парижи Фаронса баргузор мешавад, мубориза мебаранд.
Дастаҳое, ки дар Ҷоми Осиё-2024 дар Қатар се ҷойи аввалро соҳиб мешаванд, мустақиман ба Бозиҳои олимпӣ роҳхат мегиранд.
Дастае, ки ҷойи чаҳорумро ишғол мекунад, барои дарёфти роҳхат тавассути бозиҳои плей-оффи байниқитъавӣ талош меварзад.
Яҳё МАҲМАДНАБИЕВ,
“ҶТ”
Бозии даври охирини гурӯҳи “С” байни дастаҳои мунтахаби олимпии Тоҷикистону Тайланд шаби душанбеи 22-юми апрел дар шаҳри Доҳа, дар варзишгоҳи “Ал-Ҷануб” доир гардид.
Нимаи аввали дидор комилан бо бартарии футболбозони ҷавони тоҷик гузашт ва онҳо пайваста ҳуҷум мекарданд, аммо ба задани гол муваффақ нашуданд.
Дар ибтидои нимаи дуюми бозӣ тайландиҳо фаъол буданд. Баъдан бозӣ бо ҳуҷумҳои ҳарду ҷониб сурат гирифт. Голи ягонаро сарвони дас-таи олимпии Тоҷикистон Манучеҳр Сафаров дар охири дидор (90+1) ба самар расонд.
Аммо ин ғалаба ба футболбозони ҷавони тоҷик имкон надод, ки ба даври баъдӣ роҳ ёбанд, зеро онҳо бо касби се имтиёз дар ҷадвали гурӯҳи “С” ҷойи сеюмро гирифтанд.
Дастаи ҷавонони то 23-солаи Ироқ, ки дар бозии даври охирин тими Арабистони Саудиро бо ҳисоби 2:1 мағлуб кард, бо касби 6 имтиёз ғолиби гурӯҳ шуда, ба чорякфинал баромад.
Тими Арабистони Саудӣ низ 6 имтиёз гирифт ва аз рӯи натиҷаи бозиаш бо ироқиҳо мақоми дуюмро касб намуда, соҳиби роҳхат ба плей-офф шуд.
Дастаҳои олимпии Тоҷикистону Тайланд, ки бо се имтиёзӣ мутаносибан ҷойҳои сеюму чаҳорумро ишғол карданд, аз ҳаққи ширкат дар даври баъдӣ маҳрум шуданд.
Дастаи мунтахаби олимпии Тоҷикистон (U-23) дар ду бозиаш дар марҳилаи ниҳоии Ҷоми Осиё-2024 дар Қатар аз тимҳои Арабистони Саудӣ ва Ироқ бо ҳисоби якхелаи 2:4 шикаст хӯрда буд.
Ба ин тартиб, тими ҷавонони то 23-солаи Тоҷикистон, ки ду бор (солҳои 2022 ва 2024) дар марҳилаи ниҳоии Ҷоми Осиё иштирок кардааст, ин дафъа низ натавонист ба плей-офф барояд.
Сармураббии дастаи мунтахаби ҷавонони то 23-солаи Тоҷикистон Мубин Эргашев баъди анҷоми бозӣ муқобили Тайланд аз вазифааш истеъфо дод.
Истеъфои Эргашев пас аз бозӣ дар нишасти матбуотӣ, дар пахши мустақим садо дод. Ӯ аз мухлисон узр пурсида изҳор дошт, ки: “Мо аз кулли мардуми Тоҷикистон узр мепурсем, ки натавонистем хоҳиши онҳоро бароварда кунем, ба ҳамин хотир мехоҳам кори моро дигарон давом диҳанд”.
Аксар истифодабарандагони шабакаҳои иҷтимоӣ иқдоми Эргашевро ҷонибдорӣ намуданд, ки гарчанде каме дер истеъфо дод, аммо иқрораш мардона буд.
Инъомҷон Набиев, истифодабарандаи шабакаи иҷтимоии фейсбук дар саҳфааш изҳор дошт, ки истеъфои Эргашев бояд як сол пеш амалӣ мешуд:
“Бисёр амалкарди хуб! Агар як сол пеш истеъфо медод, шояд тими миллии U-23 аз гурӯҳ мебаромад. Бо ин қадар ҳайати пурқувват натиҷаи хуб нишон надод. Хубаш ба нафақа барояду мисли ҳама футболро дар телевизор тамошо кунад”.
Дар ҳайати мунтахаби U-23-и Тоҷикистон аз ҳайати тими мунтахаби асосии кишвар бозингарон зиёд буданд, ки аксари онҳо маҳорати волои футболбозӣ доранд, ки ба инҳо Манучеҳр Сафаров, Рустам Соиров, Амадони Камолов, Алишер Шукуров, Шаҳром Самиев ва дарвозабон Муҳриддин Ҳасанов мисол шуда метавонанд.
Ин нуктаро низ мухлисон хуб дарк намуда буданд, ки сармураббӣ аз маҳорати ин бозингарон ба таври бояду шояд истифода бурда натавонист.
“Қисми хайати мунтахаби U-23 дар ҳайати тими мунтахаби асосии миллӣ дар Ҷоми Осиё бисёр арзанда ҳунарнамоӣ карданд. Пас, маълум мешавад, ки мураббӣ тактикаи хуб ба роҳ монда натавонист. Фаромӯш набояд кард, ки мураббӣ бояд ба бозингарон руҳияи ғалабаовар ё “мотиватсия” дода тавонад. Бо ин қошу қавоқи Мубин Эргашев бозингарони мо руӯҳан тайёр шуда натавонистанд”, - менависад дар саҳифаи фейсбукии хеш Ширинбек Шарифов.
Баъзе аз корбарон бохти ду бозии мунтахаби U-23-ро дар ҳайати асосӣ ҷой додани дарвозабон Муҳриддин Ҳасанов медонанд, чун ин дарвозабон дар рақобат бо Арабистони Саудӣ ва Ироқ 4 голӣ дар ҳар бозӣ, маҷмуъан 8 гол ба дарвозаи худ сар дод, ки ин омил ба гунае қомати дас-таро шикаст.
Корбари дигаре бо номи Киромиддин Зоиров дар саҳифаи фейсбукии худ нигоштааст: “Мубин Эргашев камтар дертар истеъфо дод, бояд ин корро барвақт мекард. Дар вақти давраҳои таълимӣ ва бозиҳои санҷишӣ маълум буд, ки аз уҳдаи кор намебарояд”.
Аммо саволи матраҳ ин аст, ки оё бо канор рафтани сармураббӣ кори даста беҳтар мегардад?
Барои посух ёфтан ба ин савол мухлисони футболи кишварро мебояд ба маснади мураббигӣ нишастани мураббии ҷадидро дар мунтахаби то 23-солаҳои Тоҷикистон интизор гарданд.
Дар бохти бозингарони U-23 кулли гуноҳро ба дӯши сармураббӣ бор кардан ҳам камоли одамӣ нест, чун Эргашев ҳанӯз пеш аз рақобатҳои Ҷоми Осиё байни бозингарони то 23-сола изҳор дошта буд, ки баъзе аз бозингарони ҳайати асосӣ дертар ба даста пайвастанд ва ин омил имкон надод, ки мунтахаби то 23-солаҳои кишвар машқҳои дастаҷамъонаи худ-ро бо як ҳайати мукаммал доир намояд.
Бояд гуфт, ки мусобиқаи қаҳрамонии Осиё-2024 (U-23) дар Қатар дар панҷ гурӯҳ ба анҷом расид. Дастаҳои мунтахаби ҷавонони то 23-солаи Қатар ва Индонезия аз гурӯҳи “А”, Кореяи Ҷанубӣ ва Ҷопон аз гурӯҳи “В”, Ироқ ва Арабистони Саудӣ аз гурӯҳи “С” ба чорякфинал роҳ ёфтанд.
Мусобиқа дар гурӯҳи “D” шаби сешанбеи 23-юми апрел хотима меёбад. Аммо дар ин гурӯҳ тимҳои Узбекистон ва Ветнам, ки шаш имтиёзӣ гирифтаанд, пешакӣ ба чорякфинал роҳ ёфтанд.
Дар мусобиқаи қаҳрамонии Осиё-2024 (U-23) дар Қатар дастаҳои мунтахаб барои дарёфти квотаҳо аз қитъаи Осиё ҷиҳати ширкат дар Бозиҳои тобистонаи олимпӣ, ки аз 26-уми июл то 11-уми августи соли равон дар Парижи Фаронса баргузор мешавад, мубориза мебаранд.
Дастаҳое, ки дар Ҷоми Осиё-2024 дар Қатар се ҷойи аввалро соҳиб мешаванд, мустақиман ба Бозиҳои олимпӣ роҳхат мегиранд.
Дастае, ки ҷойи чаҳорумро ишғол мекунад, барои дарёфти роҳхат тавассути бозиҳои плей-оффи байниқитъавӣ талош меварзад.
Яҳё МАҲМАДНАБИЕВ,
“ҶТ”
Хабарҳои дигар
Рӯзнома
Эзоҳи худро нависед