Дар толори маҷлисгоҳи мақомоти иҷроияи ҳокимияти давлатии ноҳияи Кӯҳистони Мастчоҳ, санаи 13 июл, мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо ҷавонон ва варзишгарон баргузор гардид. 

Зимни мулоқот зикр гардид, ки дар заминаи сиёсати созандаи Пешвои миллат муҳтарам Эмомалӣ Раҳмон дар кӯҳистони кишвар инфрасохтори зарурӣ сохта ба истифода дода шудаистода ва барои дастгирии ҷавонони деҳот таъсис ёфтани квотаҳои Президентӣ ва Стипендияҳои президентӣ намунаи олии таваҷҷуҳи Роҳбари давлат ба ҷавонон мебошад. Фароҳам овардани шароити мусоид, сохта ба истифода додани инфрасохтори зарурӣ барои ҷавонон ва варзишгарон ва таъмини шароити зиндагии шоиста дар заминаи сиёсати созандаи Президенти Ҷумҳурии Тоҷикистон муҳтарам Эмомалӣ Раҳмон ба даст омадааст ва мо ҷавонону варзишгарони кишвар ҷавобан ба ин ҳама ғамхориҳо бояд илм омӯзем, донишҳои замонавиро аз худ намуда, ба Ватан - Модар содиқона хизмат намоем. 

Дар охир аз ҷониби роҳбарияти кумита ба ҷавонони фаъоли ноҳия сипосномаи Кумитаи кор бо ҷавонон ва варзиш тақдим гардида, ба як қатор ҷавонони имконияташон маҳдуд кумакҳои молӣ супорида шуд.