Дар муассисаи давлатии мактаби маҳорати олии варзишии вилояти Хатлон аз ҷониби кормандони Раёсати кор бо ҷавонон ва варзиши вилоят бо варзишгарон аз намуди варзиши дастхобонӣ ва УШУ вохӯрӣ баргузор гардид.

Дар вохӯрии мазкур сармутахассиси варзиши дастгоҳи раёсат, Дилшод Мадалиев иштирок карда, таъкид намуд, ки сулҳу субот, Ваҳдати миллӣ, бо суръат рушт ёфтани соҳаи варзиш ва иштироки фаъолонаи варзишгарон дар Интихоботи навбатии Президенти Ҷумҳурии Тоҷикистон барои ҳар яки мову шумо зарур аст. Баҳри рушд ва тараққиёти бомароми Ватани азизамон ҳамеша ҳушёру воқиф аз вазъи ҷаҳонӣ имрўзаи тағйирёбанда ва омехтагардии фарҳангҳо бошем. Панду насиҳатҳои Пешвои муаззами миллатро сармашқи кору пайкори худ намоем, аз хизмат дар сафи Қувваҳои Мусаллаҳ саркашӣ накунем, зиракии сиёсиро аз даст надиҳем ва баҳри пойдориву устувории давлати соҳибистиқлоламон ҳамеша омода бошем.

Дар фарҷоми вохӯрӣ байни масъулин ва варзишгарон суҳбати озод сурат гирифт.