Дар дар толори варзишии “Вастан”-и ноҳияи Ванҷ муовини раиси ноҳия Шерзода Рустам ва мудири Бахши кор бо ҷавонон ва варзиш Масрур Ғайратов бо варзишгарон, собиқадорону мураббиёни мактабҳои варзишии ноҳия мулоқот намуданд.

Тавре аз Раёсати кор бо ҷавонон ва варзиши ВМКБ иттилоъ доданд, чунин вохӯрӣ бо ибтикори бахш ба ифтихори Рӯзи варзишгарони Тоҷикистон доир шуда, барои собиқадорону мураббиён ифтихорномаҳо тақдим гаштааст.

Ш. Рустам ҳозиринро аз номи роҳбарияти мақомоти иҷроияи ҳокимияти давлатии ноҳия ба муносибати Рӯзҳои варзишгарону истиқлолияти давлатӣ самимона табрик карда, барои фаъолияти минбаъдаи варзишгарон барору комёбиҳо таманно намуд.