ВАРЗИШ
Якшанбе 16 Январ 2022 03:22
3663
Шоми имрӯз, 8 ноябр, дастаи мунтахаби ҷавонони 19-солаи Тоҷикистон оид ба футбол бозии финалии худро дар доираи рақобатҳои интихобии Ҷоми Осиё-2018 дар гурӯҳи “В” бо тими ҷавонони Ӯзбекистон баргузор намуд.

Дар ин рақобат футболбозони тоҷик тавонистанд, тими пешсафи гурӯҳро ба шикаст рӯ ба рӯ намуда, садрнишин гарданд. Ин дидор дар Варзишгоҳи марказии Ҳисор ҷараён гирифта, ҷавонони кишвар дар шоҳидии 3500 нафар мухлис ба дарвозаи ҳариф 1 голи беҷавод зада, ба марҳилаи ниҳоӣ роҳ ёфтанд.

Дар қисми аввали дидор шогирдони Мубин Эргашев бартарӣ нишон дода, чанд маротиба ҳамлаҳои головар анҷом доданд. Ин гуна бозисозии футболбозони кишвар бе фоида намонд. Ниҳоят дар дақиқаи 53-юм ҳимоятгарони ӯзбек идоракунии тӯбро аз даст доданд ва Дилшод Саитов ба дарвозаи дастааш тӯб ворид намуд.

Дар бозии дигари ин гурӯҳ тими мунтахаби Бангладеш дастаи Шри-Ланкаро бо ҳисоби 4:0 мағлуб намуд. Мухлисон дар қисми дуюми рақобат шоҳиди 4 гол гардиданд. Ду голро Маҳбуб Раҳмон ба номаш сабт намуда, Ғош Бишванат ва Риёдул Ҳасан муаллифи якголӣ гардиданд.
Ниҳоят, мунтахаби ҷавонони Тоҷикистон дар ҷадвали гурӯҳи “В” бо гирифтани 10 хол мақоми аввалро касб намуда, роҳхати марҳилаи ниҳоии мусобиқоти қаҳрамонии футболи Осиё-2018-ро ба даст оварданд.

Дастаи Ӯзбекистон бо 9 имтиёз соҳиби зинаи дуюм гардид. Тими Бангладеш бо гирифтани 7 хол ҷои сеюмро соҳиб шуд. Мунтахабҳои Молдив ва Шри-Ланка бо якимтиёзӣ дар зинаҳои чаҳорум ва панҷум ҷойгир шуданд.

Ёдовар мешавем, ки марҳилаи ниҳоии қаҳрамонии футболи Осиё-2018 миёни дастаҳои мунтахаби ҷавонони 19-сола, дар Инданезия барпо мегардад. Роҳхатро ғолибони 10 гурӯҳи интихобӣ ва 5 дастае, ки дар гурӯҳҳои худ мақомҳои дуюмро касб намуданд, аз рӯи нишондодҳои беҳтарин ба даст меоранд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Январ 2022 c.