Ба муносибати Рӯзи Истиқлолияти давлатии кишвар ва “Соли ҷавонон” дар ноҳияи Мурғоб миёни 7 даста мусобиқаи волейбол байни ҷавонон доир гашт.

Ба иттилои Пайшамбе Рамазонов, сармутахассиси Бахши кор бо ҷавонон ва варзиши ноҳия, мусобиқа бо ибтикори Бахш ба хотири сарҷамъиву якдилии ҷавонони маҳаллаҳо ташкил гардидааст.

Аз рӯи натиҷаҳои охир дар ин сабқат дастаи “Ҷавони Мурғоб” бар тими “УПД” бо ҳисоби 3:2 (20:25, 25:23, 25:27, 25:22, 25:22) дастболо шуда, ҷои аввалро гирифт.

Барои ба даст овардани ҷои сеюм дастаҳои “Ҷавонон–87” ва “Ҷавонон–92” рақобат намуданд, ки дар анҷом тими “Ҷавонон–87” ба дастаи рақиб бо ҳисоби 3:2 (14:25, 25:22, 20:25, 25:13, 25:21) пирӯз гашт.

Ба ғолибон мукофотпулӣ тақдим шуд.