Ба ифтихори Рӯзи Истиқлолияти давлатии Ҷумҳурии Тоҷикистон ва “Соли ҷавонон” дар ҷамоати деҳоти Мурғоби ноҳияи Мурғоб мусобиқаи волейбол доир гардид, ки дар он 8 даста байни ҳам рақобат намуданд.

Дар даври ниҳоӣ дастаи “УПД–1” бар тими “Ҷавонон–87” бо ҳисоби 3:2 (25:23, 15:25, 25:19, 13:25, 25:20) ғолиб омада, ҷои аввалро соҳиб гашт.

Барои гирифтани ҷои сеюм дастаҳои “УПД–2” ва “Ш.Шогунов” сабқат намуданд, ки дар натиҷа дастаи “УПД–2” ҳам рақибашро бо ҳисоби 3:2 (25:18, 25:21, 22:25, 22:25, 25:11) шикаст дод.

Ғолибон аз тарафи Бахши кор бо ҷавонон ва варзиши ноҳияи Мурғоб бо ифтихорнома ва мукофоти пулӣ қадрдонӣ шуданд.

Машҳур ИМОМНАЗАРОВ, “ҶТ”