Бо ташаббуси бахши кор бо ҷавонон ва варзиши шаҳри Бӯстон дар ҳамбастагӣ бо Кумитаи иҷроияи Ҳизби Халқии Демократии Тоҷикистон дар шаҳри мазкур, 5 март, дар толори варзишии ба номи генерал – майор Рустам Амакиеви шаҳр, мусобиқа аз намуди волейбол байни ҷавондухтарони муассисаҳои таҳсилоти миёнаи умумии шаҳр бахшида ба Рӯзи Модар баргузор гардид.

Дар мусобиқа 6 даста аз муассисаҳои таҳсилоти миёнаи умумиии шаҳр дар ҳайати 10 нафарӣ иштирок намуда, бо ҳам қувваозмоӣ намуданд.

Дар натиҷа, дастаи ҷавондухтарони гимназияи №2 сазовори ҷои 1, муассисаи таҳсилоти миёнаи №3 сазовори ҷойи 2 ва муассисаи таҳсилоти миёнаи умумии №11 - и Ҷамоати шаҳраки Палос сазовори ҷойи 3 дониста шуда, ғолибон бо ҷом ва медалу сипосномаҳо қадрдонӣ карда шуданд.