25 июн бахши кор бо ҷавонон ва варзиши ноҳияи Исмоили Сомонии шаҳри Душанбе дар доираи нақшаи чорабиниҳо бахшида ба Рӯзи Ваҳдати миллӣ дар маҳаллаи Шафақ миёни сокинон, бахусус наврасону ҷавонон мусобиқаҳои хурди варзиширо аз намудҳои шашкаву шоҳмот, дастхобонӣ ва бандкашӣ баргузор намуд.

Дар ин чорабинӣ ҷавони фаъол аз ҳисоби донишҷӯёни макотиби оливу толибилмони муассисаҳои таҳсилоти умумӣ иштирок доштанд. Чорабинӣ дар сатҳи баланд ҷараён гирифта, дар ҷамъбаст ба  ҷавононе, ки аз рӯи навъҳои варзишии зикршуда, ғолиб ва ҷойҳои ифтихориро соҳиб шуда буданд, сипосномаву туҳфаҳои ташкилнамудаи масъулин супорида шуд.

Тавре аз бахши кор бо ҷавонон ва варзиши ин ноҳия хабар доданд, чунин чорабиниҳо ба ифтихори ин ҷашни бузурги миллӣ дар дигар маҳаллаҳо низ гузаронида хоҳад шуд.