4-уми феврал, дар қисми низомии 01972-и “Дивизия” воқеъ дар шаҳри Бӯстон маросими кушодашавии мусобиқаи ҳарбӣ – варзишии “Ҳомии Ватан” баргузор гардид.

Мусобиқаи ҳарбӣ – варзишии “Ҳомии Ватан” давоми моҳи феврали соли равон байни сарбозону афсарони қисмҳои низомии Гарнизони вилояти Суғд аз рӯи намудҳои самбои муҳорибавӣ, бандкашӣ, дастхобонӣ, сангбардорӣ, волейбол, тирпарронӣ, гузаштан аз монеаҳо, футболи хурд, давидан ба масофаи 100 ва 500 метр баргузор мешавад.

Дар рафти чорабинӣ ҷавонони синни даъватӣ бо сатҳи шароити сарбозон ошноӣ пайдо намуда, аз шароитҳои қисми низомӣ изҳори қаноатмандӣ намуданд.
Дар охири чорабинӣ ғолибон бо туҳфаҳои хотиравӣ сарфароз гардонида шуда, аз ҷониби санъаткорони бахши фарҳанги шаҳри Бӯстон барномаи фарҳангӣ барои болидахотирии сарбозон пешкаш гардид.
Шодмон Нурматов