Ба муносибати Рӯзи Президенти Ҷумҳурии Тоҷикистон ва “Соли ҷавонон” дар мавзеи Ёгеди ноҳияи Дарвоз мусобиқаи кушоди ноҳиявӣ аз рӯи намуди баскетбол доир гардид.

Дар ин бора мудири Бахши кор бо ҷавонон ва варзиши ноҳия Расулҷон Шокиров иттилоъ дода гуфт, ки мусобиқаи дӯстона байни ҷавондухтарони ноҳияҳои Рӯшону Дарвоз ба хотири таҳкими ҳамдилӣ ва дӯстӣ ташкил шудаааст.

Мувофиқи натиҷаҳои умумӣ дар ин бозӣ дастаи “Рӯшон” бар тими “Дарвоз” бо ҳисоби 30:26 дастболо гардида, ғолиби мусобиқа эълон шуд.

Барои ғолибону варзишгарон аз тарафи Бахш ифтихорнома ва туҳфаҳои хотиравӣ тақдим гардид.