Дар толори варзишии ба номи генерал-майор Рустам Амакиеви мактаби варзишии шаҳри Бӯстон, бо мақсади таҷлили сазовори соли 2018 “Соли рушди сайёҳӣ ва ҳунарҳои мардумӣ” мусобиқаи вилоятии гӯштини дзюдо баргузор гардид.

Мамнур Нурзода, мудири шуъбаи рушди иҷтимоӣ ва робита бо ҷомеаи дастгоҳи раиси шаҳри Бӯстон, зимни ифтитоҳи мусобиқа суханронӣ намуда, аз дастгирии давлатии варзиш аз ҷониби Ҳукумати Ҷумҳурии Тоҷикистон зери роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар шуданд.

Дар мусобиқа варзишгарони 8 даста аз шаҳру ноҳияҳои Хуҷанд, Бӯстон, Панҷакент, Айнӣ, Ҷаббор Расулов ва Мастчоҳ ширкат намуда, дар вазнҳои аз 55 то зиёда аз 100 кг байни ҳам қувваозмоӣ менамоянд ва ғолибон бо туҳфа ва сипосномаҳо қадрдонӣ шуда, ба даври ҷумҳурияии мусобиқа роҳхат дарёфт хоҳанд кард.