Ба ифтихори Рӯзи таъсисёбии Қувваҳои Мусаллаҳи Ҷумҳурии Тоҷикистон дар Мактаби Президентии шаҳри Хоруғ миёни кормандони ниҳодҳои кудратии Вилояти Мухтори Кӯҳистони Бадахшон мусобиқаи варзишӣ аз намуди гӯштини миллӣ баргузор гардид.

Мусобиқа бо ибтикори мақомоти иҷроияи маҳаллии ҳокимияти давлатии вилоят, Комиссариати ҳарбиву Раёсати кор бо ҷавонон ва варзиш асосан байни Сарраёсати Кумитаи давлатии амнияти миллии Вилояти Мухтори Кӯҳистони Бадахшон, Раёсати Вазорати корҳои дохилӣ, қисмҳои ҳарбӣ, Раёсатҳои гумруку андоз, Агентии назорати маводи нашъаовари назди Президенти Ҷумҳурии Тоҷикистон ва дигар ниҳодҳои вилоят сурат гирифта, ғолибон бо медалу ифтихорномаҳо сарфароз гардиданд.

Тавре аз Раёсати кор бо ҷавонон ва варзиши вилоят иттилоъ доданд, чунин мусобиқаву рақобатҳои ҷашнӣ дар ҳамаи шаҳру ноҳияҳои ВМКБ бомаром ҷараён доранд.