Бо ширкати 160 нафар паҳлавон дар варзишгоҳи марказии Ишкошим мусобиқаи кушоди ноҳиявӣ аз рӯи намуди гӯштини миллӣ гузаронида шуд.

Мусобиқа дар асоси нақшаи чорабиниҳои Бахши кор бо ҷавонон ва варзиши ноҳия роҳандозӣ гашта, дар он варзишгарони синну соли 2000 — 2002 ва 2003 боло миёни ҳам қувваозмоӣ карданд.

Мутахассиси пешбари Бахши кор бо ҷавонон ва варзиши ноҳия Далер Душанбиев гуфт, ки дар ҳайати даставӣ ду дастаи паҳлавонон аз шаҳри Хоруғ ва дигарон аз навоҳии ВМКБ иштирок намуданд.

Ғолибони мусобиқа бо ҷом, медал, ифтихорнома ва мусаввараҳои омода намудаи бахш мукофотонида шуданд.