Бахшида ба 25 солагии Истиқлолияти давлатии Ҷумҳурии Тоҷикистон ва тарғиби тарзи ҳаёти солим дар фурудгоҳи марказии Вомари ноҳияи Рӯшон мусобиқаи варзишӣ аз рӯи намуди гӯштини миллӣ доир гашт.

Мусобиқаи мазкур бо ташаббуси Мақомоти маҳаллии ҳокимияти давлатии ноҳия, Бахши ҷавонон варзиш ва сайёҳӣ ва Иттифоқи ҷавонони саховатпешаи Вомар ташкил гардида, дар он беш аз 250 нафар паҳлавонон аз ноҳияҳои Ванҷ, Дарвоз, Шуғнон, Ишкошим ва Хоруғ иштирок  намуданд.

Ба гуфти Холиса Саидхонова, мудири бахши ҷавонони ноҳия, ин чорабинии варзишӣ бо мақсади пешгирии ифротгароии мазҳабӣ, қонуншиканӣ байни ҷавонону наврасон ва эҳёи гӯштини аҷдодии миллӣ роҳандозӣ гардида, дар он гӯштингирони вазнҳои аз 35  то 100 кило  байни ҳам қувваозмоӣ намуданд.

Дар охир ба ғолибон мукофотҳо ва ифтихорномаҳо супорида шуд.