Дар Маракази омодагии олимпии ВМКБ байни варзишгарони аз 18 то 35 сола мусобиқаи кушоди шаҳрӣ аз рӯи намуди гӯштини миллӣ баргузор гардид.

Паҳлавонон тариқи чор вазн (65, 67, 75 ва аз 85 боло) баромад намуда, беҳтаринҳо аз тарафи мақомоти иҷроияи маҳаллии ҳокимияти давлатии ВМКБ бо тӯҳфаҳои арзишманду ифтихорномаҳои Бахши кор бо ҷавонон ва варзиши шаҳр сарфароз гаштанд.

Ба гуфтаи масъулини бахш мусобиқа дар сатҳи баланд ташкил гардида, дар он Шакар Мирмамадов (вазни 80 кило) аз маҳаллаи Фурӯдгоҳи Хоруғ беҳтарин паҳлавон дониста шуд.