Бо ташаббуси Бахши кор бо ҷавонон ва варзиши ноҳияи Бобоҷон Ғафуров мусобиқаи кушоди ноҳиявӣ оид ба қаиқронӣ бахшида ба Рӯзи варзишгарон баргузор гардид.

Дар маросими кушодашавӣ масъулин варзишгарон ва мураббиёнро бо рӯзи касбиашон табрик намуда, ба иштирокчиён бурдбориҳо таманно намуданд.

Мусобиқа бо мақсади оммавигардонии варзиш ва рушди намуди варзиши қаиқронӣ доир гардида, он дар масофаҳои 1000, 500 ва 200 метр байни духтарон ва писарон гузаронида шуд.

Пас аз қувваозмоиҳо ғолибони мусобиқа муайян гардида, онҳо бо медалу диплом сарфароз гардонида шуданд.