Бо ташаббус ва сарпарастии президенти Федератсияи футболи Тоҷикистон муҳтарам Рустами Эмомалӣ дар ҳамбастагӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба эълон гардонидани солҳои 2019-21 “Солҳои рушди деҳот, сайёҳӣ ва ҳунарҳои мардумӣ” 11 январи соли ҷорӣ бори нахуст мусобиқаи варзишӣ барои дарёфти Ҷоми “Пайравони Пешвои миллат” доир гардид.

Мусобиқаро муовини авали раиси Кумитаи кор бо ҷавонон ва варзиш Назарзода Ризо ифтитоҳ бахшида, мақсад аз баргузории мусобиқаро беҳдошти нерӯи ҷисмонӣ, тарғибу ташвиқи тарзи ҳаёти солим, обу тоби бадан, таъмини шароити арзанда барои самаранок истифода бурдани маҷмааҳои варзишӣ ва дар баробари ин мустаҳкам намудани дӯстӣ байни волонтёрон арзёбӣ намуда, ба якчанд нафар аз варзишгарон унвони устоди варзиш супорида шуд.

Зиёев Фаридун яке аз бозингарҳои дастаи “Лоиҳаи сити корт”, чунин иброз дошт ки, дастаи “Лоиҳаи сити корт” яке аз дастаҳои пурқувват ва болаёқат мебошад, заҳмат ва тамринҳои пайваста буд, ки мо имрӯз нисбат ба дастаи рақиб – “Волонтёрони маркази ҷавонони шаҳри Душанбе” бартарии худро нишон дода, бо ҳисоби 4:2 ғолиб омадем.

Дар қисмати дуюми бози волонтёрони Раёсати кор бо ҷавонони шаҳри Душанбе ва волонтёрони Бахши кор бо ҷавонон ва варзиши ноҳияи Шоҳмансур миёни ҳам қувваозмоӣ намуда, ки бо ҳисоби 5:2 бозӣ анҷом ёфт.

Мусобиқаи мазкур то 16 январ дар Муасиссаи давлатии ҷумҳуриявии тайёрии олимпии дастаҳои мунтахаб идома мекунад.