Бахшида ба Рӯзи ҷавонони Тоҷикистон дар муассисаи давлатии мактаби варзишӣ ноҳияи Мир Саийд Алии Ҳамадонӣ мусобиқаи кушоди ноҳиявӣ оид ба шашка байни наврасону ҷавонон баргузор гардид.
 
Дар баробари машқварзони мактаби мазкур дигар наврасон низ бо ҳамсолони худ нерусанҷӣ намуданд.
 
Ғолибон ва беҳтарин варзишгарон дар ҷамъбаст аз ҷониби Бахши кор бо ҷавонон ва варзиши ноҳия ва кумитаи тадорукот бо ифтихорнома ва туҳфаҳо қадрдонӣ карда мешаванд.

Ёдовар мешавем, ки наврасони ноҳияи Ҳамадонӣ дар ин риштаи варзиш пайваста дар мусобиқоти ҷумҳуриявӣ дастаи “Хатлон-2”-и минтақаи Кӯлобро муаррифӣ намуда ба гирифтани ҷойҳои ифтихорӣ сазовор мегарданд.