Имрӯз, 13 июл дар доираи нақша чорабиниҳои бахши ҷавонон,  варзиш ва сайёҳии шаҳри Хуҷанд бахшида ба 25 – солагии Истиқлолияти давлатии ҷумҳурии Тоҷикистон дар ҳавзи шиноварии Мактаби варзишии кӯдакон ва наврасони захираҳои олимпии шаҳри Хуҷанд мусобиқаи шаҳрӣ оид ба шиноварӣ байни наврасони солҳои таваллудашон 2000-2001 ва 2002-2003 баргузор гардид.

Дар мусобиқаи мазкур зиёда аз 100 нафар наврасон иштирок намуданд.

Дар  байни духтарони солҳои таваллудашон 2002-2003 мақоми аввал насиби Томирис Воҳидова , хонандаи Муассисаи хусусӣ ба номи «Гёте», ҷойи дувум насиби Набиева Заррина, хонандаи Гимнаияи «Забонҳо» ва мақоми сеюм насиби  Дилноза Ҷӯраева, хонандаи Литсейи № 1 гардид.

Миёни писарони солҳои таваллудашон 2000-2001 бошад, ҷои якум насиби Максим Матвеев, хонандаи МТМУ№7, ҷойи дувум насиби  Бахтовар Солиев, хонандаи Муассисаи хусусӣ ба номи «Файз» ва мақоми сеюум насиби   Дамир Саидов  - хонандаи МТМУ №9 гардид.

Дар  байни писарони солҳои таваллудашон 2002-2003 зинаҳои ифтихориро Григорий Звоников, хонандаи МТМУ№9,  Далер Ахмедов, хонандаи МТМУ №16 ва Алишер Содиқов хонандаи МТМУ№9 ишғол намуданд  

Дар охир ба ғолибон медал ва дигар тӯҳфаҳои хотиравӣ тақдим карда шуд.