Дар шаҳри Хуҷанд аз 24 июн то 16 июл мусобиқаи шаҳрӣ оид ба футбол барои дарёфти “Тӯби чармин-2019” байни наврасони соли таваллудашон 2006-2007, 2004-2005 ва 2002-2003 баргузор гардид.

Мусобиқа дар майдони футболи Муассисаи давлатии варзишии №1 шаҳр гузаронида шуда, дар он 200 нафар футболбоз дар ҳайати 16 даста байни ҳам қувваозмоӣ намуданд. 

Бозии финалӣ миёни наврасони соли таваллудашон 2002-2003 байни дастаҳои Гимназияи №4 ва МТМУ №11 баргузор гардида, дар натиҷа дастаи футболбозони гимназияи №4 ғолибият ба даст овард.

Байни футболбозони соли таваллуди 2004-2005 бошад, сазовори ҷои якум дастаи МТМУ №21 гардида, миёни наврасони соли таваллудашон 2006-2007 дастаи гимназияи №4 сазовори ҷои якум шуд.

Муовини раиси шаҳри Хуҷанд Фирўза Нуруллозода дар маросими ҷамъбастии мусобиқа иштирок намуда, ғолибонро бо ифтихорнома ва туҳфаҳои хотиравӣ қадрдонӣ намуданд.