Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади таҳкими тарзи ҳаёти солим, оммавигардонии варзиш, мустаҳкам намудани риштаи дӯстӣ байни варзишгарон ва муайян намудани дастаи мунтахаб дар шаҳри Гулистон мусобиқаи ҷумҳуриявӣ оид ба дастхобонӣ байни наврасону ҷавонон  баргузор гардид.

Мусобиқа аз рӯи 17 намуди вазн доир гардида, дар он 89 нафар варзишгар (41 нафар духтарон) аз дастаҳои шаҳру ноҳияҳои вилоятҳои Хатлон, Суғд ва шаҳри Душанбе иштирок ва байни ҳам қувваозмоӣ намуданд.

Дар натиҷа ҷои якум насиби дастаи вилояти Суғд, ҷои дуюм насиби дастаи шаҳри Бохтар ва ҷои сеюм насиби дастаи шаҳри Кӯлоб гардида, ғолибон бо медал ва диплом қадрдонӣ шуданд.