Бо иштироки ҳафт даста аз вилоятҳои Бадахшону Хатлон ва Суғд, шаҳри Душанбе ва шаҳру навоҳии тобеи ҷумҳурӣ аз 25 то 28 ноябри соли равон дар Маҷмааи варзишии “Самандар-асри 21”-и шаҳри Турсунзода мусобиқаи ҷумҳуриявӣ оид ба тӯби дастӣ миёни писарони то 25- сола баргузор мешавад.

Мусобиқаи мазкур ба таҷлили Рӯзи Парчами давлатии Ҷумҳурии Тоҷикистон бахшида шуда, дар доираи нақшаи чорабиниҳои Кумитаи кор бо ҷавонон ва варзиши назди Ҳукумати ҷумҳурӣ гузаронида мешавад.

Ғолибони мусобиқа бо медал ва дипломҳои Кумитаи кор бо ҷавонон ва варзиш сарфароз гардонида мешавад.