Бахшида ба Рӯзи модар аз 19 феврал то 7 март миёни бонувони вазорату идораҳо ва ташкилоту муассисаҳои шаҳри Душанбе Мусобиқаи варзишӣ оид ба волейболи касбӣ барои дарёфти “Ҷоми пойтахт” доир мегардад.

Бино ба иттилои Мақомоти иҷроияи ҳокимияти давлатии шаҳри Душанбе дар ин бора қарори раиси шаҳри Душанбе аз 11 феврали соли 2020 ба тасвиб расида, мусобиқаи мазкур дар Муассисаи давлатии “Мактаби махсуси варзишии захираҳои олимпии №5 оид ба бозиҳои варзишӣ”- и Муассисаи давлатии “Раёсати кор бо мактабҳо ва иншооти варзишӣ”-и шаҳри Душанбе гузаронида мешавад.

Ба таъкиди масъулин мақсад аз баргузор намудани Мусобиқаи варзишӣ оид ба волейбол дар сатҳи баланд таҷлил намудани Рӯзи модар, рушду равнақи волейбол байни бонувон ва тарғиби тарзи ҳаёт солим миёни онҳо мебошад.

“ҶТ”